پەروەردە و ڕاھێنان

پوختەیەک لە بارەی توێژینەوه له رەوانناسی پەروەردەیی

• رەوشە توێژینەوەیەکان کە رەوانناسانی پەروەردەیی بەکاری دەبەن دوو دەستەی گشتیە بە ناوی رەوشی چەندێتی و رەوشی چۆنیەتی یان وەسفین.
• رەوشە بە ناوبانگەکانی توێژینەوەی وەسفین ئەمانەن: کەیس ئستادی (توێژینەوەی مەوردی)، توێژینەوەی بواری (توێژینەوه ی له مەیدان)، ئەسنوگرافیا (وەسفی کەلتوور و نەریتی گەلان)، ڕوپێوی، گفتوگۆی رووبەروو و پرسنامه. رەوشەکانی توێژینەوەی وەسفی فەقەد بە وەسف کردنی بارودۆخ و مەوقەعیەتی مۆریدی مووتالیعە خەریک دەبن و لە دانستەکانی قوتابیان، خوێندکاران، ماموستایان و قوتابخانەکان هەواڵ و ڕاپۆرتی وەسفی بەدی دێنن.
• گرینگترین رەوشە توێژینەوەکانی چەندێتی ئەمانەن: توێژینەوەی هاوپەیوەندی و توێژینەوەی ئەزمونی. رەوشی هاوپەیوەندی رابیتەی زەمانی نێوان گۆڕاوەکان مووشەخەس دەکات، ئەمما بە یارمەتی رەوشی ئەزموونی جگە لەم شێوە رابیتە (رابیتەی زەمانی نێوان گۆڕاوەکان)، رابیتەی عیللەت و مەعلوول یان رابیتەی ھۆ و بەرھۆ دابین دەکرێت و مووتالیعە دەکرێت.
• ئیقدام توێژینەوه یان توێژینەوه له عەمەلدا بە توێژینەوەیەک دەگوترێت کە ماموستاکان و ستافەکانی دیکەی قوتابخانەکان بۆ چارەسەر کردنی مەسائیلی خۆیان پلانی بۆ دادەنێن و ئیجرای دەکەن.
•  قۆناغەکانی ئەنجامدانی توێژینەوە لە رەوانناسی پەروەردەیی ئەمانەن: بەیانی پرسیار، بەیانی گریمانە، خڕ کردنەوەی دەیتا و زانیاری، شیکاری دەیتاکان، دانانی یاسا و تیئۆری.
• ئەسڵ بە بەیانی رابیتەی نێوان گۆڕاوەکان دەگوترێت و یاسا بە ئەسڵێک دەگوترێت کە لە نەزەری عیلمیەوە ئیسبات کراوە و پشتراست کراوەتەوە.
• تیئۆری عیلمی بە وتارێکی گشتی کە لە چەندین یاسا و ئەسڵ پێک هاتووە دەگوترێت.
• مێعیار و پێوەری جەخت کردنەوەی تیێۆریە عیلمیەکان هێز و توانای دەرک و روون کردنەوەی رووداوەکان، ھێزی پێش بێنی و کۆنترۆل کردنە.